I survived UPCAT

August 07, 2010, 12:30 PM, Malcolm Hall (College of Law) University of the Philippines, Diliman, Quezon City...

Yan ang nakalagay sa aking test permit kung saan yan ang schedule ko ng pagtatake ng University of the Philippines College Admission Test o mas kilala sa tawag na UPCAT. Dito, libo-libong mga pangarap ang pilit na binibigyang kasagutan-- mga pangarap na makapag-aral sa dekalidad na eskwelahan na medyo may kababaan ang matrikula kumpara sa ibang mga unibersidad. Saksi ang aking mga mata sa libo-libong pangarap na iyon, dahil ako ay isa din sa kanila.

1st Campus: University of the Philippines, Diliman

BS Electronics and Communications Engineering

2nd Campus: University of the Philippines, Los Baños

BS Civil Engineering

Yan ang mga courses at campuses na pinili ko at handa kong tahakin pagnakapasok ako sa UP. Puro math daw pero kahit na mahirap,makikipagkaibigan ako sa mga numbers para sa inyo :))

Balik sa UPCAT..

Three Months ata ako nagprepare for UPCAT, simula sa pageenroll sa isang review center na ang focus talaga ay UPCAT, hanggang sa pakikisawsaw sa mga modules ng classmates ko at pagsesearch pa ng ibang modules sa net na makakatulong para makadagdag ng kaalaman sa akin at nung sabado nga ay natuldukan na ang lahatng ito.

Alas dies, kasama ko ang aking tatay, ay umalis kami sa aming bahay dito sa Bulacan patungong Diliman. Mainit pa noon ang panahon pero may baon akong jacket. Malamig daw kasi sa testing centers kaya pinagdala ako. (based sa experience ni ate). Ilang traffic din ang inabot ko habang binabagtas ang daan. Pagdating ko sa loob ng UP traffic pa din? Grabe ang daming tao halos hindi na gumagalaw ang mga jeep at nang-gagalaiti na ang mga driver bukambibig ang "IIsa lang naman kasi nagkokotse pa..!"

Dumating ako sa testing center ko, medyo kabado ng kaunti, kinuha ko ang permit ko sa bag, kasama ang paper bag na pinaglagyan ko ng baon na chicken sandwich at fresh citrus juice na kakapiga lamang bago kami umalis ng bahay. Kasama din sa paper bag ko ang isang tissue (pinabaunan ako ng ate ko in case of emergency daw :)) ), tatlong BLESSED mongol 2 pencils, Faber Castle na pambura, pantasa na kulay red at towel na blue. Nakipila ako sa dagat ng mga tao, hinanap ko ang dulo ng pila, naknangpucha ang haba pala ng pila pero ok lang nakipila pa rin ako.

eto yung picture: (pinicturan ako ng mga classmate ko na kakalabas lang sa testing center ko dahil morning session sila)

Todo smile pa ako diyan LOL at wala po akong kaugnayan sa babae sa harapan :)) isa lang din siyang nangangarap makapasa sa UPCAT :))

Ayun kita sa picture na madilim, kumulimlim na kasi uulan na niyan tapos ayun yung jacket ko na white at yung paper bag ko na puro pagkain.

Pagpasok ko sa hall, medyo relaxed naman ako ng konti. Siguro dala na din ng pagkondisyon ko hindi lamang ng utak kundi pati puso na mageexam ako kaya ayun hindi ako masyadong tensiyonado. Ilang minutong pumila, tapos pumasok na kami sa loob ng isang malaking room. ANG GANDA NG ROOM. Feeling ko nasa courtroom ako kasi nga college of law yung testing center ko. Centralized aircon pa, yan ang tinatawag na public school. Mukhang hindi naman public.

Instructions, Precautions, ilang sessions ng inhale exhale, isama ang dasal at motivation sa sarili, at nagsimula na ang UPCAT. Ang UPCAT pala ay isang exam na nahahati sa apat na parts, Language Proficiency na 85 items for 50 minutes, Science Proficiency na 60 items for 50 minutes, Math proficiency na 60 items ata for 1 hour and 15 minutes and lastly Reading Comprehension na 90 items for 1 hour and 10 minutes lang. Kung tutuusin time pressured ang exam pero thanks God kasi nasagutan ko naman lahat sila at konti lang ang pasadya kong blanks (dahil right munus wrong ang upcat) para kung sakaling mali ang sagot ko doon dahil clueless ako ay walang bawas. Thanks to the review center na nagtrain sa akin :))

Maayos naman ang daloy ng upcat maliban sa isang scenario na nangyari sa akin. PUTEK as in PUTEK sa sakit mapulikat sa kalagitnaan ng READING COMPREHENSION. Gusto kong sumigaw sa sakit dahil naninigas na ang kanang binti ko pero ayoko ko maging center of attraction kaya pinilit kong igalaw-galaw ang hinlalaki sa paa ko gaya ng normal na ginagawa ko pag pinupulikat. Yan lang naman ang worse scenario at good thing naging maayos ang UPCAT ko.

Natapos ang exam, lumabas ako ng hall. WOW Star studded kami? Grabe sa daming mga magulang hawak-hawak ang payong na naghihintay sa labas ng testing center pero ni isa sa kanila ay wala ang papa ko. Nakuu wala pa naman siyang phone at ang lakas ng ambon :)) ambon lang pero malaks siya ng konti. Lumabas ako ng center, hinanap ko siya pero fail, wala siya. Gusto ko ulit pumasok sa loob pero hindi ako makadaan sa dami ng lumalabas sa center. pagkatapos usmugod sa ulan ayun nakita ko ang papa ko sa ilalim ng puno, nakatayo, hawak ang payong at bag ko at sinalubong niya ako nung makita niyang pasugod ako sa ulan.

Kinamusta niya ang exam ko, sabi ko yaka naman (proud :)) ) At pagkatapos noon ay pinuntahan namin si inay sa Philcoa at kumain kami ng STA-PEGI sa JABI treat daw nila ang kanilang bunso :)) LOL.

*UPCAT facts: share ko lang, sa 86 thousand na nagexam 11 thousand lang ang natanggap. (Last year po yan)

Sana makapasa ako at makaabot ako sa quota grade kasi UP ang katuparan ng pangarap ko.

PS buti na lang hindi ako isa sa mga lumabas ng testing center na LUHAAN at TULALA (opo totoo ito). Thanks so much to the review center. :))

OK thanks sa pagbabasa kahit napahaba ng konti :))